അഞ്ജലി ചേച്ചി !

അങ്ങനെ ഞങ്ങൾ കണ്ടു മുട്ടി.. !
വലിയ ബഹളങ്ങളൊന്നുമില്ലാത്ത  ഒരു ശനിയാഴ്ച ആയിരുന്നു...
ഒരു സെമിനാറിൽ പങ്കെടുക്കാൻ ഹൈക്കോടതി ജങ്ങ്ഷനിൽ നിന്നും കലൂരേക്കുള്ള  ബസിൽ കയറി ഒരു സൈഡ് സീറ്റിൽ സ്ഥാനം പിടിച്ചപ്പോളാണ് പരിചയമുള്ള ഒരു മുഖം പെട്ടെന്ന് മുന്നിൽ വന്നത്... തീരെ പ്രതീക്ഷിക്കാതെ ആയത് കൊണ്ട് ഒരു നിമിഷം വേണ്ടി വന്നു മനസിലാവാൻ.. ഈ അടുത്ത കാലത്തൊന്നും ആരെയും കണ്ടിട്ട് ഇത്ര അധികം സന്തോഷം തോന്നിയിട്ടില്ല..
"times to see dreams" blogger അഞ്ജലി ചേച്ചിയെ കുറിച്ചാണ് ഈ പറയുന്നത്..
'മാതൃഭൂമി'യിൽ റിപ്പോർട്ടറാണെന്ന് കേട്ടപ്പോൾ ഇരട്ടി സന്തോഷം.. :)
ആള് ഇമ്മിണി ബല്യ ഒരു റിപ്പോർട്ടർ ആവട്ടെ അല്ലെ ?

എന്നെ തിരയുന്ന ഞാൻ !*

ആത്മാവ് നഷ്ടപ്പെട്ട ശരീരത്തെ ജഡമെന്ന് വിളിക്കുമെങ്കിൽ,
ഞാനിന്നൊരു ജഡമാണ്; ജീവനുള്ള ജഡം.
അലയുകയാണു ഞാൻ, ഇന്നെന്നെ തിരഞ്ഞെ-
-ന്റെ നാട്ടുവഴികളിലെന്‍ വിദ്യാലയത്തില്‍...
കണ്ടു ഞാന്‍, പഴയ താളുകള്‍ക്കിടയിൽ
മെയ് വഴക്കത്തോടെ വഴുതി മാറി 
പൊട്ടിച്ചിരിക്കുന്ന എന്റെയാത്മാവിനെ.
കാണുന്നു ഞാനെന്നാത്മാവിന്‍ കണ്‍കളില്‍,
'എന്നെ മറന്നെ'ന്ന പരിഭവത്തിന്‍ നിഴല്‍..
അറിയുന്നു ഞാനിന്നു ഋതുഭേദങ്ങളില്‍
ഞാന്‍ തേടിയതത്രയും എന്റെയീ മുഖമെന്ന് ..
എങ്കിലുമിനിയുമൊരു ചോദ്യം ബാക്കി..
എങ്ങിനെ ഞാനാവാഹിക്കും,എന്നിലേക്കെന്നാത്മാവിനെ ???

തലക്കെട്ടിനു കടപ്പാട്: മഹാകവി പി. കുഞ്ഞിരാമൻ നായരുടെ ആത്മകഥ.